8. Мобилна апликација, инсталирање и известувања

← Содржина

8.1 Мобилна апликација

Работи на Android и iPhone со истата сметка како веб апликацијата. Јазикот: Профил → Јазик (македонски, англиски, албански). Тековната верзија е 1.4.0 — бројот на верзијата стои најдолу во страничното мени.

Најава

1. Е-пошта, Лозинка → Најави се.
2. Со вклучена двофакторна најава: Потврда во два чекора → шестцифрениот Код → Потврди.
3. Без телефонот со апликацијата за кодови: Внеси резервен код (секој важи еднаш; се прикажува колку останале).

Двофакторната најава се вклучува на веб: Мој профил. По пет погрешни лозинки сметката се заклучува на 15 минути, дури и за точната лозинка.

• Ја заборави лозинката? — прво внесете ја е-поштата, па допрете го копчето и Испрати. Линкот за нова лозинка стига по е-пошта и се отвора во прелистувач (Заборавена лозинка).
• Најави се со Google — се гледа само ако е вклучено на платформата. Се отвора прелистувачот со Google, а по потврдата се враќате во апликацијата најавени. Правилата се исти како на веб (Најава со Google).
• Најавата се чува безбедно во телефонот. Не се одјавувате кога ќе снема интернет — само кога ќе се одјавите сами, ќе ја смените лозинката или профилот ќе биде суспендиран.

Услови за користење

По првата најава (и кога условите ќе се сменат) се отвора прозорецот Услови за користење и приватност. Допрете Услови за користење и Политика за приватност за да ги прочитате, вклучете го прекинувачот Ги прочитав и ги прифаќам… и допрете Прифаќам. Друг избор е само Одјави се. Повеќе: Прифаќање на условите.

Станар: долни табови

Дома, Мои сметки, Пријави, Соопштенија, Профил. Апликацијата секогаш се отвора на Дома.

• Дома: долг или состојба, Плати сега, тековната сметка, брзи акции (Пријави дефект, Анкети, Плаќања), пријави, соопштенија, плаќања.
• Мои сметки: филтри Сите, Неплатени, Доспеани, Платени и Плати. Табот се гледа само ако админот на домаќинството ви дал право на финансии. Тука се и:
  • Плаќање на рати — ако имате договор за рати: колку рати се платени, следната рата и дали задоцнувате;
  • Како ја примате сметката — Во апликацијата, По е-пошта или На хартија (Избери / Промени).
• Пријави: нова пријава со Фотографија (по избор) од Камера или Галерија; Пријави анонимно.

Странично мени на станарот (се гледаат само ставките за кои зградата има модул и вие имате право):

• Мојот дом: Почетна, Мои сметки, Историја на плаќања, Моето домаќинство (членови и нивните права, ако сте админ на станот — види 6.4), Мои пратки, Клуч и кодови.
• Заедница: Пријави и поплаки, Соопштенија, Анкети (еден глас по стан), Хигиена и сервиси (распоред на чистење и сервиси; Не е направено? Пријави), Собрание и совет (дневен ред, Најави присуство, полномошно, записник), Резервации (Резервирај, Мои резервации), Документи, Согласности, Дневник на зградата, Асистент (само ако е вклучена вештачката интелигенција), Чат со соседите.
• Сметка: Мој профил, Поставки за серверот.

Управител: долни табови

Табла, Домаќинства, Приливи, Одржување, Профил. Табовите зависат од вашата улога во тимот — на пр. член без пристап до пари не го гледа Приливи.

• Табла: Мојата табла — картички што сами ги избирате. Уреди ја таблата: вклучете ги картичките што ги следите, подредете ги со Нагоре / Надолу, Додај картичка, Врати стандардно. Со повеќе згради, за секоја картичка бирате дали важи за Оваа зграда или за Сите згради. Старата Контролна табла (наплата, приливи и одливи, резервен фонд, должници, отворени пријави) е во менито.
• Домаќинства: листа по страници (следните се вчитуваат при лизгање надолу), пребарување Пребарај по ознака или сопственик…; картон со Брза наплата и Евидентирај уплата (готовина) — уплатата сама се распоредува на најстарите долгови.
• Приливи: Потврди / Одбиј уплати што чекаат.
• Одржување: Земи во работа, Означи решена.

Странично мени на управителот. Со повеќе згради менито има две групи: Фирма (сите згради заедно) и групата на тековната зграда (со нејзиното име). Со една зграда сè е под Управување.

• Фирма: Преглед на фирмата (сите згради на картата), Работна табла, Задачи и потсетници, Чат на тимот, Пријави на фирмата, Налози.
• Зграда: Мојата табла, Контролна табла, Домаќинства, Приливи, Одливи, Должници, Соопштенија, Пратки, Пристап, Согласности, Дневник на зградата, Одржување, Чат со станарите.

Ставките се гледаат според модулите на зградата, вклучените функции и вашата улога во тимот.

Работа на фирмата од телефон

• Работна табла: бројки, Мои задачи, Тријажа (неразгледани пријави), Чека одобрување (фактури од мајстори), Рокови оваа недела, договори што истекуваат, правни предмети.
• Пријави на фирмата: пријавите од сите згради — Тријажа, Мои, Пробиен рок, Отворени. Земи ја ја доделува на вас и ја става во работа; приоритетот се менува со еден допир. Деталот се отвора во зградата на пријавата.
• Налози: Чека нас, Отворени, Фактури, Сите. Во деталот: Прати на мајсторот / Прати пак / линк (линкот се споделува преку Viber, SMS или е-пошта), Јави се на мајсторот, Насоки од мојата локација, Означи завршено, Одобри фактура (станува трошок „за плаќање“ во зградата), откажување, прилози и Историја.
• Задачи и потсетници, Нова задача или потсетник — за себе или за колега.
• Чат на тимот — собите на тимот.

Детали за овие работи: Управител и Одржување.

Пари и комуникација од телефон (управител)

• Одливи: листа на трошоците, Нов трошок (назив, износ, ДДВ во износот, категорија, Извор на средства, статус, фотографија од Камера или Галерија).
• Скенирај фактура: фотографија од фактура → трошокот се пополнува сам, вие проверувате пред Зачувај. Познат добавувач се пополнува како минатиот пат.
• Повеќе фактури: Избери фотографии — повеќе фактури од галеријата одеднаш. Секоја се чита и се распоредува на својата зграда. Во прегледот: износ, датум, Веќе платена, предупредување ако фактурата е веќе внесена и ако зградата не е препознаена („Зградата не е препознаена — проверете на веб.“). Штиклирајте ги точните и Зачувај ги означените. Распределбата на станарите и промената на категоријата се прават на веб.
• Должници: должници без договор, Договор на рати (Број на рати од 2 до 36, Прва рата до) → Склучи договор; листа на Договори за рати со распоредот.
• Соопштенија: листа, Ново соопштение (Наслов, Содржина, Категорија, Важи до (по избор), Закачи на врвот) → Објави. Ако е вклучено: Нацрт со ВИ — внесете само белешки, а апликацијата пишува нацрт што го проверувате.
• Пратки, Пристап (дигитални клучеви, Код за гостин, Отклучи, Дневник на пристапи), Согласности, Дневник на зградата.

Скенирањето фактури и копчето Повеќе фактури се гледаат само ако е вклучено читањето фактури за фирмата. Деталната работа (ставки на сметката, извештаи, законски документи, подесувања, модули) се прави на веб.

Странично мени и менување зграда

Копче ☰ горе лево или лизгање од левиот раб: Итен случај (црвено), ставките по групи, Пробно известување, Одјава, верзија.

Со станови или згради на повеќе места, најгоре е СТАНБЕНА ЗАЕДНИЦА — допрете зграда и сè се менува за неа. Со многу згради: Барај зграда по име или адреса….

Итен случај на телефон

1. Изберете една од шесте категории.
2. Локација (по избор), Порака (по избор).
3. Испрати: … → потврда Испрати итен сигнал?.

Активните аларми се најгоре со Решено; подолу Важни броеви, Управа на зградата, Сервисери за повик со еден допир. Правилата се во 7.16.

На Android итните аларми доаѓаат по посебен канал „Итни случаи“ — се појавуваат преку екранот и ѕвонат и на заклучен телефон. Обичните имаат канал „Известувања“. Во поставките на телефонот можете да ги стишите обичните, а алармите да ги оставите.

Известувања во апликацијата

Горе десно на секој таб е ѕвонче со бројот непрочитани (над 99 — „99+“). Допрете го за екранот Известувања: Сите / Непрочитани, Означи ги сите како прочитани; постарите се вчитуваат при лизгање надолу. Допир на известување го отвора соодветниот екран.

Допир на известување

И допир на push-порака (и кога апликацијата била затворена) го отвора соодветниот екран:

• станар: сметки (и линкот „Плати“ од опомена), плаќања, пријави, соопштенија, анкети, итни случаи, чат, хигиена и сервиси, собрание, домаќинство, резервации, документи, согласности, дневник на зградата, пратки, клуч и кодови;
• управител: приливи, одржување (и конкретна пријава), домаќинства, итни случаи, чат, задачи и потсетници, чат на тимот, налози (и конкретен налог), пријави на фирмата, соопштенија, одливи, должници, мојата табла, согласности, дневник, пратки, пристап.

Ако за известувањето нема екран на телефон (на пр. огласна табла), апликацијата само се отвора.

Потврда на стан

Ако управител ве додал како станар: „Потврдете го станот…“ → Прифати, Одбиј — не сум јас или Подоцна.

Без интернет

Кога серверот не одговара, над долната лента се појавува: „Нема врска со серверот. Прикажано е последно вчитаното.“ Апликацијата сама проверува на секои 15 секунди и лентата исчезнува штом врската се врати; Обиди се проверува веднаш. Не сте одјавени.

Бришење на профилот

Профил → Избриши го профилот → Продолжи → Да, барам бришење. Барањето оди до управителот; одговор најдоцна за еден месец. Детали: Барање за бришење на профилот.

Читач на екран

Копчињата што имаат само икона (мени, ѕвонче, испрати, затвори, прикажи лозинка, повик…) имаат опис, па читачот на екранот (TalkBack, VoiceOver) кажува што прават, а не само „копче“.

Ажурирања

Има два вида:

• Помали ажурирања се преземаат сами, без продавница. Кога е подготвено: „Ажурирањето е подготвено.“ → Освежи.
• Нова верзија (на пр. 1.4.0, со безбедното чување на најавата): на Android се симнува нова инсталација од нашиот сајт, на iPhone — од App Store. Ако е по избор: „Достапна е верзија …“ → Симни (или Отвори во App Store); лентата може да се затвори. Ако старата верзија повеќе не работи со серверот: цел екран Потребно е ажурирање → Симни; под копчето пишува Ваша верзија.

Адреса на серверот

Ако пишува дека нема врска: Поставки за серверот → адреса (почнува со http:// или https://) → Зачувај и провери. Врати на стандардна ја враќа автоматската.

8.2 Веб апликацијата на почетен екран (PWA)

• Android (Chrome): ⋮ → Додај на почетен екран / Инсталирај апликација.
• iPhone (Safari): споделување → Додај на почетен екран.
• Компјутер (Chrome/Edge): иконата за инсталирање во полето за адреса.

Се отвора на цел екран. Долг допир на иконата нуди кратенки: Мои сметки, Пријави дефект, Контролна табла. Без интернет се гледаат последно вчитаните податоци.

Важно: push известувања кога апликацијата е затворена стигнуваат само со мобилната апликација.

8.3 Известувања: кој канал што носи

Во апликацијата (ѕвончето со бројот непрочитани, и страницата Сите известувања) секогаш се гледаат сите известувања. Надвор од неа — Мој профил → Известувања:

1. Штиклирајте ги каналите → Зачувај.
2. Пробно на телефон (или Пробно известување во мобилната апликација).
3. Ако не стигне, се прикажува причината (на пр. „Известувањата се исклучени за оваа апликација.“) — одете во Поставки → Апликации → DomUpravitel → Известувања. Емулатор не прима push.

Совети

• Не исклучувајте ги известувањата целосно — на Android стишете го само каналот „Известувања“.
• Ако е-поштата не стигнува, проверете ја папката за спам и е-поштата во профилот.
• Станар член на домаќинство добива известувања за сметки само ако има право Известувања за сметки (6.4).