1. Почеток: профил, најава и навигација

← Содржина

1.1 Барање за отворање профил (јавна веб-страница)

Кој: куќен совет или фирма управител што уште нема профил · Каде: формуларот на јавната страница на DomUpravitel, или од најавата преку „Сте управител или куќен совет? Отворете профил“.

1. Под Кој сте вие? изберете Куќен совет (една зграда) или Фирма управител (повеќе објекти).
2. Пополнете ги задолжителните полиња: Име на заедницата или фирмата, Вашето име, Е-пошта (на неа стигнуваат пристапните податоци).
3. По избор: Телефон, Град, Адреса, Број на згради, Вкупно единици, Пакет што ве интересира (може „Не сум сигурен — советувајте ме“), Модули што ве интересираат, Порака.
4. Кликнете Испрати барање. Се појавува „Барањето е примено“.

Правила

• Изборот на модули не ве обврзува; подоцна може да се менува.
• Од иста е-пошта може да има само едно отворено барање („Веќе примивме барање од оваа е-пошта“).
• Од една мрежа се примаат најмногу 5 барања на час.
• Под копчето има врска до Политика за приватност — како се обработуваат податоците од барањето.

Јавната страница на телефон: горе десно е копчето за мени (три линии) со Функционалности, Модули, Цени, Контакт и Отвори профил.

Цени на пакетите: под секоја цена пишува дали е со ДДВ („цените се со ДДВ“) или без („цените се без ДДВ (+ 18% ДДВ)“). Ако цените привремено не се вчитаат, наместо нив стои Побарај понуда — пишете ни и ќе добиете понуда за еден работен ден.

Совет: профилот не се отвора сам. Го отвора тимот на DomUpravitel и ви праќа покана по е-пошта (види 1.4).

1.2 Најава

Кој: сите корисници

1. Внесете Е-пошта и Лозинка (окцето ја прави лозинката видлива).
2. Кликнете Најави се.
3. Каде почнувате:
   • управител со две или повеќе згради — од прегледот Сите згради;
   • управител со една зграда и член на тимот — од Мојата табла (картички што секој сам си ги избира, види Управител);
   • станар и супер-админ — од својата контролна табла.

Јазик: горе десно МК / SQ / EN — може и пред најавата. По најавата важи јазикот од вашиот профил.

Немате профил? Пристапот на станарите го отвора управителот („Контактирајте го управителот“). Управителите отвораат профил преку Отворете профил.

Заклучување по погрешни лозинки

• 5 погрешни лозинки за иста е-пошта од иста мрежа → блокада 15 минути („Премногу неуспешни обиди…“).
• Блокира и по 30 погрешни обиди за таа е-пошта од сите мрежи заедно, или 20 од една мрежа за различни сметки.
• Блокадата сама истекува.

Суспендиран профил: „Вашата сметка е суспендирана. Контактирајте го управителот.“

На тест-сервер, екранот за најава има и копчиња за брз влез со демо профили. На вистинскиот сервер тие не постојат.

Потврда во два чекора

Ако сте вклучиле двофакторна најава (1.6), по лозинката се отвора Потврда во два чекора.

1. Во Код внесете го шестцифрениот код од апликацијата за автентикација.
2. Кликнете Потврди.
3. Влезот трае 5 минути („Влезот важи уште м:сс“); ако истече, најавете се повторно.
4. Секој код важи еднаш („Кодот е веќе искористен. Почекајте го следниот.“).
5. Без телефон: Внеси резервен код (облик XXXXX-XXXXX). Секој резервен код важи еднаш; апликацијата кажува колку останале.
6. Назад кон најава ве враќа на почетокот.

Најава со Google

Кој: секој што веќе има профил со Gmail адреса · Каде: екранот за најава, под Најави се („или“ → Најави се со Google)

Копчето се гледа само ако најавата со Google е вклучена на платформата (во моментов е исклучена). Наместо лозинка, Google потврдува дека адресата е ваша.

1. Кликнете Најави се со Google.
2. Изберете ја Google сметката и потврдете.
3. Се враќате во DomUpravitel, веќе најавени.

Правила

• Се најавувате само ако профил со таа е-пошта веќе постои. Google не отвора нов профил. Ако нема профил: „Нема профил со … Станарите добиваат покана по е-пошта од управителот — побарајте ја од него. Управителите може да отворат профил.“ Под пораката е Отворете профил, со веќе пополнети име и е-пошта.
• Ако сте поканети (на пр. станар по увоз) и уште не сте ја отвориле поканата, најавата со Google ја прифаќа поканата — не мора да поставувате лозинка.
• Двофакторната најава важи и тука: по Google се отвора Потврда во два чекора.
• Ако нешто прекине: „Најавата со Google не успеа. Обидете се повторно.“ Суспендиран профил не влегува ни со Google.

Заборавена лозинка

На веб

1. Кликнете Ја заборави лозинката? над полето за лозинка.
2. Во прозорецот Нова лозинка внесете ја е-поштата и кликнете Испрати линк.
3. Пораката е секогаш иста: „Ако адресата е регистрирана, на неа стигна линк за нова лозинка.“
4. Од линкот внесете Нова лозинка (најмалку 8 знаци), Повторете ја и кликнете Постави лозинка.

Во мобилната апликација

1. Прво внесете ја е-поштата во полето Е-пошта.
2. Допрете Ја заборави лозинката? под лозинката, па Испрати.
3. Линкот стигнува по е-пошта и се отвора во прелистувач — новата лозинка ја поставувате таму, како погоре.
4. Линкот важи 60 минути и само еднаш; најмногу 3 писма на час на една адреса.
5. Суспендиран профил не добива линк.

Прифаќање на Условите за користење и Политиката за приватност

Кој: управители, членови на тимот, сметководители и станари · Каде: се појавува сам по најавата (на веб и во мобилната апликација)

При првата најава, и повторно кога Условите или Политиката суштински ќе се сменат, се отвора прозорецот Услови за користење и приватност.

1. Отворете ги Услови за користење и Политика за приватност (се отвораат во нов прозорец) и прочитајте ги.
2. Штиклирајте Ги прочитав и ги прифаќам Условите за користење и Политиката за приватност.
3. Кликнете Прифаќам.

Правила

• Прозорецот не може да се затвори без одлука: или Прифаќам, или Одјави се. Без прифаќање не се продолжува во апликацијата.
• Се памети кога и која верзија сте ја прифатиле.
• Ако текстот се смени додека прозорецот е отворен: „Условите се изменети. Освежете ја страницата и прочитајте ги одново.“
• Тимот на платформата (супер-админ) не го добива прозорецот.
• Безбедносни писма стигнуваат секогаш (без оглед на поставките за известувања): кога некој ќе се најави на вашата сметка од уред што не е користен во последните 90 дена, кога ќе се смени лозинката и кога ќе се исклучи двофакторната најава. Ако не сте биле вие — веднаш побарајте нова лозинка.
• Условите содржат и Договор за обработка на лични податоци (дел 11) меѓу управителот и платформата. Кога сопственикот на сметката на управителот ги прифаќа Условите, со тоа го склучува и тој договор.

1.3 Прв пристап за станар

Управителот му праќа на станарот писмо со линк. Станарот поставува Нова лозинка (најмалку 8 знаци), ја повторува и кликнува Постави лозинка. Линкот важи 30 дена и само еднаш. Детали: Панел на станарот.

1.4 Покани

Покана во тим или во сметка

Кој: човек поканет како управител, помошник, сметководител или претседател на куќен совет.

1. Отворете го линкот. Екранот Покана за пристап покажува Зграда или Сметка, Улога и Е-пошта.
2. Ако немате профил: внесете Нова лозинка (најмалку 8 знаци) и Повторете ја.
3. Ако веќе имате профил со таа е-пошта: внесете ја Вашата постоечка лозинка — зградата или сметката се додава на постоечкиот профил.
4. Кликнете Прифати и отвори профил, потоа најавете се.

Правила: поканата важи 7 дена и еднаш. 5 погрешни постоечки лозинки → блокада 15 минути.

Покана за отворање сметка

Кој: нов управител поканет од тимот на DomUpravitel. Екранот е Отворете ја вашата сметка („Неколку чекори и сè е подготвено. N дена бесплатно.“). Се оди со Понатаму и Назад.

1. Кој сте (ако изборот е ваш): Заедница на станари (зградата се создава веднаш) или Фирма управител (зградите ги додавате потоа).
2. Податоци: Име (задолжително), ЕДБ / Даночен број, Телефон за контакт, Град, Адреса на седиштето; под „Вие“ — Име и презиме (задолжително) и Мобилен телефон.
3. Зграда (заедница): Име на зградата, Адреса на зградата (задолжително), Град, Број на станови (задолжително, најмногу 500 — се создаваат „Стан 1“, „Стан 2“…), Број на влезови, Број на катови.
4. Згради (фирма): Со колку згради управувате? — до бројот што го дозволува поканата.
5. Модули: изберете ги, ако поканата ви дава избор. Основните функции се секогаш вклучени.
6. Лозинка: прегледајте го резимето, внесете Нова лозинка и Повторете ја (или потврдете со постоечката).
7. Кликнете Отвори ја сметката.

Правило: линкот важи 14 дена.

1.5 Распоред на екранот

• Лево мени: ставките се групирани („Финансии“, „Заедница“…). Кога менито има над 18 ставки, групите се отвораат и затвораат со клик на насловот, а апликацијата памти која сте ја оставиле отворена. Полето Барај во менито… ги филтрира ставките. Се гледаат само ставките за кои имате модул и дозвола.
• Избор на зграда: над менито стои тековната Станбена заедница. Со повеќе згради избирате друга од листата, а кога зградите се многу — со пребарување (Име, улица или град…). На ниво „Фирма“ полето се вика Влези во зграда; назад ве носи Сите згради. Види Управител → Две нивоа.
• Мени по улога („Моја работа“): член на тимот со ограничена улога (на пр. сметководител, диспечер, комуникација) најгоре во менито ја има групата Моја работа — главните екрани од областите каде што работи. Останатото што смее да го гледа е подолу, во вообичаените групи. Сопственикот и управителот со сите права го гледаат менито како порано. И контролната табла покажува само она што улогата смее (на пр. членот за комуникација не гледа пари и должници, сметководителот не гледа пријави).
• Известувања (ѕвонче горе): црвениот број на ѕвончето кажува колку непрочитани известувања имате (над 99 — „99+“); истиот број стои и во насловот на табот во прелистувачот. Со клик на ѕвончето се гледаат последните осум; клик на известување го отвора поврзаниот екран и бројот веднаш се намалува. Означи ги сите како прочитани. Најдолу — Сите известувања (види подолу).
• Мени на корисникот (вашето име горе): Гледај како (ако имате повеќе улоги, види подолу), Мој профил, Јазик (МК / SQ / EN — се памти во профилот), Одјави се.
• На телефон: главните екрани се во долната лента; целото мени — со копчето „Мени“.
• Без врска: „Нема врска — прикажани се последно вчитаните податоци.“
• Претплатата истекува: сопственикот и управителите на фирмата 7 дена пред истекот гледаат жолта лента на секоја страница („Претплатата истекува на …“), а по истекот — црвена („Претплатата истече на … — пристапот до зградите е паузиран. Податоците се зачувани.“). Детали води до страницата Претплата.

Гледај како

Каде: менито на корисникот (вашето име горе) · на телефон: Мој профил · Кој: човек со повеќе улоги на иста е-пошта

Истата е-пошта може да биде станар, управител на една или повеќе згради и администратор на платформата. Гледај како бира со која улога работите во моментот.

• Се покажуваат само улогите што навистина ги имате: Администратор на платформата, Управител, Станар. Со една улога изборот го нема.
• Изборот важи веднаш: менито, зградите и дозволите се менуваат, а се отвора почетната страница на таа улога. Уредот го памти изборот и по освежување.
• Како Станар во изборот на зграда се зградите каде што живеете и ги гледате своите сметки, плаќања и анкети, и кога сте управител на истата зграда. Како Управител се зградите каде што сте во тимот.
• Малата ознака покрај вашето име покажува во која улога сте.
• Како Управител или Станар, администраторот на платформата нема никакви посебни права: ја гледа апликацијата како секој друг, а сè што ќе направи се запишува на неговото име.
• Ако отворите известување за другата улога, апликацијата сама се префрла на неа.

При преглед од поддршката изборот го нема. Администратор на платформата може да се додаде во тим или како станар, и останува администратор; како станар, и тој го потврдува станот сам.

Сите известувања

Каде: ѕвончето → Сите известувања · Кој: сите

Тука се сите известувања што сте ги добиле, и постарите што веќе не се гледаат под ѕвончето.

• Горе: Сите или Непрочитани. Листата е по страници.
• Непрочитаните се задебелени и на сина подлога. Клик на известување го означува прочитано и го отвора екранот на кој се однесува.
• Десно од секое: квачка (Означи како прочитано) и корпа (Избриши).
• Горе десно: Означи ги сите како прочитани.

Совет: на дното на секое писмо со известување стои Исклучете ги известувањата по е-пошта. Еден клик (и потврда) ги исклучува само писмата — во апликацијата известувањата остануваат. Се вклучуваат повторно во Мој профил. Писмата за лозинка, покани и месечните сметки не се исклучуваат така.

1.6 Мој профил

Каде: мени на корисникот → Мој профил (станарот го има и во левото мени)

Лични податоци: Име и презиме, Телефон, Јазик → Зачувај. Е-поштата ја менува управителот (за управители — супер-администраторот).

Известувања — во апликацијата секогаш ги гледате сите; овде избирате што ве стигнува надвор од неа:

• Е-пошта — само важното: сметки, уплати, седници, анкети, итни аларми. Пораките од соседи не одат по е-пошта.
• Push на телефон — и кога апликацијата е затворена; бара мобилна апликација. Проверка: Пробно на телефон.
• Viber или SMS — само за итни аларми; прво Viber, ако не стигне — SMS. Почетно е исклучено; бара мобилен телефон.

Кликнете Зачувај. Повеќе за каналите: Мобилна апликација и известувања.

Промена на лозинка

1. Внесете Тековна лозинка и Нова лозинка (најмалку 8 знаци).
2. Кликнете Промена на лозинка. Потоа сте одјавени од сите уреди.

Двофакторна најава — вклучување

1. Кликнете Вклучи и потврдете со лозинката (Продолжи).
2. Скенирајте го QR-кодот со апликација за автентикација (Google Authenticator, Microsoft Authenticator, Aegis…). Без камера, клучот се внесува рачно (има копче за копирање).
3. Внесете го шестцифрениот код и кликнете Потврди. Ако не се прифаќа, проверете дали времето на телефонот е точно.
4. Се прикажуваат 8 Резервни кодови — само овој пат. Преземи или копирајте ги, па Ги зачував.

Кога е вклучена: Нови резервни кодови (старите престануваат веднаш) и Исклучи (бара лозинка).

Други делови: Мои домаќинства (станови и месечна обврска), Заедници (за управител), Сесија (последна најава), Одјави се од сите уреди.

Совет: вклучете двофакторна најава ако имате пристап до пари или до многу згради.

Барање за бришење на профилот

Каде: Мој профил → Бришење на профилот (во мобилната апликација: Профил → Избриши го профилот) · Кој: сите корисници

1. Кликнете Барам бришење на профилот.
2. Потврдете со Да, барам бришење (на телефон има две потврди: Продолжи, па Да, барам бришење).
3. Се појавува: „Барањето е примено. Ќе добиете одговор најдоцна за еден месец; дотогаш профилот останува активен.“

Правила

• Профилот не се брише веднаш. Барањето оди до управителот на секоја зграда каде што живеете или работите, а тој го спроведува бришењето (види Лични податоци). Ако не сте врзани за ниту една зграда, барањето оди до тимот на DomUpravitel.
• По законот, одговор добивате најдоцна за еден месец.
• Податоците што мора да се чуваат (сметководство, отворен долг) остануваат, но без вашите лични податоци.
• Барањето не може да се откаже од апликацијата. Ако веќе имате отворено барање во зградата, не се отвора второ.